Hausla-e-deewangi

Humse pehle hamari deewangi ke charche yun sareaam hue
Yaaron hum bewajah bhari mehfil mein badnaam hue

Log kehte hain ki aaena jhuth nahi bolta
Gar ye sach hota to koi deewana na hota

Mere azeez apnon ka qatl kar qaatil na ban
Rah-e-ulfat pe qurbaan ho, mohabbat-e-khuda ban

Tamanna-e-manzil ki deewangi ko rakh barkarar
Raundh kar dushwariyan nakamiyan, tay kar zindagi ka safar

Teri deewangi ho is qadar mushoor zamane mein
Ki jhuka ho aasma bhi sajde mein, teri bekhudi ke is "maikhane" mein 

~Veena