Shikwa

Aaj fir ye dil tootkar rona chahta hai,

Is saare jahaan ko chodkar sirf uska hona chahta hai

Kya sila mujhe mila meri wafaon ka,

Ab to mera dil bhi bewafa hona chahta hai

Humne to aas lagayi thi ki unka dil mom k jaise pighlegha,

Par wo zaalim har baar dil ko challi karta jaata hai

Bas ab aur nahi ye dil hai hamara,

Is khule aasman k neeche saans lena chahta hai......

Deedar

Hum kuch aise tere deedar mein kho jaate hain

Jaise bachche bhare baazar mein kho jaate hain,

Harpal teri yaadon se tadapna bahut mushqil hai

Rafta Rafta sabhi majhdhaar mein kho jaate hain,

Itna saanso ke saath par bharosa na karo

Zindagi ke harpal yuhi baaton mein kho jaate hain,

Mere dil ne ehsaan kiya hai mujh par

Varna jo jaate hain uske pyaar mein kho jaate hain.

Nisbatein..(Shikayatein)

Nazron mein hamari kuch aks jhilmillaye bahut,

Hum unse bichde to dil mein khayal aaye bahut!!

Thi unko doobte suraj se shikayatein kaisi,

Dhali jo shaam to wo hume yaad aaye bahut!! 

Ye dhalti raat ye palkein jhapakta sannata,
Gaye dino ke fasaane hume sunaaye bahut!!

Isliye ki is andhe safar mei kaam aayein,
Hum us gali ke ujaalesamet laaye bahut!!

Nazar gai hai aankhon mein kitne chehron ke,
Teri talaash mein humne fareb khaye bahut!!

 Mite na ujaale tere ghar ke aangan ke,

Chirag humne munderon pe yun jalaye bahut

Aasmaan

Jahan talak bhi khula aasman baaki hai,

Mujhe pata hai meri udaan baaki hai


Wo jaanta hai wo mita nahi sakta,

Vo faasla jo abhi darmiyan baaki hai

Naya safar main shuru karu bhi to kaise,

Abhi to pehle safar ki thakan baaki hai